उपर्युक्त सम्बन्धमा त्रिभुवन विश्वविद्यालय, मानविकी तथा सामाजिक शास्त्र संकाय, डीनको कार्यालयद्वारा २०७६ साल चैत्र महिनाको दोस्रो सातादेखि सञ्चालन हुने स्नातकोत्तर तह MA (Sociology) Second र Fourth Semester को नियमित र आंशिक परीक्षाका लागि यस क्याम्पसबाट सहभागी हुने विद्यार्थीहरुले तोकिएको सबै प्रक्रिया पूरा गरी निम्न मितिसम्ममा परीक्षा आवेदन फाराम भरी क्याम्पस प्रशासनमा बुझाउनुहुन सूचित गरिन्छ । तोकिएको म्यादभित्र प्राप्त नभएका र प्रक्रिया पूरा नगरेका परीक्षा फारामहरु स्वीकार नगरिने समेत यसै सूचनाद्वारा जानकारी गराइन्छ ।
परीक्षा फाराम भर्ने अन्तिम मितिः २०७६ फागुन १३ गते, मंगलबार
नियमित परीक्षा शुल्कः रु.२,०००।–
त्रि.वि. सेवा शुल्कः रु.५००।–

विशेष सूचनाः–
– आंशिक परीक्षार्थीहरुले अनुत्तीर्ण भएको विषय खुल्ने परीक्षाको Grade-sheet को प्रतिलिपि अनिवार्य रुपमा परीक्षा फारामसँगै संलग्न गर्नुपर्नेछ ।
– परीक्षा फाराममा त्रि.वि. दर्ता नम्बर अनिवार्य रुपमा उल्लेख गर्नुपर्नेछ ।
– परीक्षा आवेदन फारम भर्नको लागि हालसालै खिचेको (साधारण पोशाकमा) पासपोर्ट साइजको २ प्रति फोटो आवश्यक पर्नेछ ।
– परीक्षा आवेदन फाराम परीक्षार्थी स्वयम्ले आवश्यक सम्पूर्ण विवरणहरु स्पष्ट रुपमा बुझिने गरी भर्नुपर्नेछ । यसमा अन्यथा भई पछि कुनै समस्या भएमा क्याम्पस प्रशासन जिम्मेवार हुनेछैन ।
– नियमित विद्यार्थीहरुले बाँकी सम्पूर्ण शिक्षण शुल्क समेत बुझाउनुपर्नेछ ।
-के. जि. वैदार, क्याम्पस प्रमुख