उपर्युक्त सम्बन्धमा शै. व. २०७६।०७७ मा कक्षा ११ मा रजिष्ट्रेशन भइ बोर्ड परीक्षाको परीक्षा फारम भरेका नियमित विद्यार्थी तथा शै.व. २०७५।०७६ सम्ममा राष्ट्रिय परीक्षा बोर्डमा रजिष्ट्रेशन भई आंशिक/ग्रेड वृद्धिको लागि शै. व. २०७६।०७७ मा कक्षा ११ को परीक्षा फारम भरेका सम्पूर्ण विद्यार्थीहरुको परीक्षा निम्नानुसार सञ्चालन हुने जानकारी गराइएको छ ।
१. राष्ट्रिय परीक्षा बोर्ड, सानोठिमी, भक्तपुरबाट लागू गरेको कक्षा ११ को परीक्षा सञ्चालन, व्यवस्थापन, मूल्याँकन, नतिजा प्रकाशन तथा प्रमाणीकरण कार्यविधि, २०७७ को परिच्छेद ७ को दफा ९, उपदफा (१) बमोजिम नियमित परीक्षार्थीको परीक्षा विद्यालयको अनुकुलतामा सामाजिक दुरी कायम गरी तोके बमोजिम परीक्षा सञ्चालन गर्ने व्यवस्था भएकोले यस क्याम्पसले आगामी भाद्र १ गतेपछि उपयुुक्त समयमा परीक्षा सञ्चालन गर्नेे हुँदा सो परीक्षाको तयारी गर्नहुन सम्बन्धित विद्यार्थीहरुलाई सूचित गरिन्छ । साथै कक्षा ११ को सबै विषयमा न्युनतम सैद्धान्तिक तर्फ डी प्लस [D+] र प्रयोगात्मक तर्फ सी [c] ग्रेड प्राप्त गरेका विद्यार्थीहरुको मात्र कक्षा १२ को परीक्षा दिन पाउने उक्त कार्यविधिको दफा १२ मा व्यवस्था भएकोे समेत सूचित गरिन्छ ।
२. राष्ट्रिय परीक्षा बोर्ड, सानोठिमी, भक्तपुरको कक्षा ११ को परीक्षा सञ्चालन, व्यवस्थापन, मूल्याँकन, नतिजा प्रकाशन तथा प्रमाणीकरण कार्यविधि, २०७७ को परिच्छेद ७ का दफा ९, उपदफा (२) बमोजिम आंशिक/ग्रेड वृद्धि परीक्षार्थीको हकमा वि.सं. २०७७ सालको कक्षा १२ को वार्षिक परीक्षा सञ्चालन हुनुपूर्व सामाजिक दुरी कायम गरी तोके बमोजिम कक्षा ११ को आंशिक/ग्रेड वृद्धि परीक्षार्थीको वार्षिक परीक्षा सम्बन्धित विद्यालय/क्याम्पसले नै सञ्चालन गरी उत्तर पुस्तिका तथा प्राप्ताङ्क विवरण शिलबन्दी गरी सम्बन्धित कार्यालयमा उपलब्ध गराउनु पर्ने व्यवस्था भएकोले यस क्याम्पसबाट परीक्षा दिनुपर्ने सम्पूर्ण विद्यार्थीहरुलाई उक्त परीक्षाको तयारी गर्नहुन सूचित गरिन्छ । परीक्षाको तालिका अनुकुल समयमा प्रकाशित गरिनेछ ।
– के. जि. वैदार, क्याम्पस प्रमुख